سؤال منى ليك انت (مش انت اخويا اللى اتمناة )

اخي العزيز .... لاول مرة هتكلم معاك .... قررت أقولك كل اللي جوايا

أيوة انت موجود في حياتي ، لكن تعرف ؟! مش حاسة بوجودك ..أيوة مش حاسة بوجودك .. كان نفسي تكون قريب مني ، تسمع مشاكلي ، تفهمني.
كان نفسي اتكلم معاك في كل حاجة من غير خجل ، من غير ما خاف إنك تفهمني غلط أو تمارس علي دور الأخ المتسلط .. كان نفسي نقرب من بعض .. نخرج مع بعض .. تقابل صحابي دون ان تنظر لي النظرة المعتادة .. نظرة كلها شك واستنكار..
ليه دايما شايفني تافهة .. ضعيفة .. مبعرفش اتصرف .. عشان ابقي بنت مؤدبة لازم تتحكم في كل تصرفاتي؟.. ليه دايما شايفني متهمة إلا ان اثبت براءتى.
تعرف كل ده زود المسافة بينا وبقيت اخر شخص ممكن اقوله علي أسرارى ، بقيت اخر شخص ممكن ألجأ له لو وقعت في مشكلة محتاجة لنصيحة.
للأسف مش انت اخويا اللي أتمناه !!!

وليه انتي تفهمي الحكايه كدا هو الطبيعي ان اي بنت تدور على واحد تخرج معاه اي حد تحكيلو عن اسررها طبيعي لازم تتفهمي غلط عشان انتي في مجتمع شرقي وانفتح مره واحده بعد الناس كانت بتتفرج على القناه الاولي والتانيه ولو الواحد ساعده الحظ ولقط التلفزيون بتاعه القناه الساته يبقى باشا عنده 3 قنوات وبنام بعد العشا فجاه بقى فيه دش وميلودي واكشن واحنا عندنا مبيسدقوا زي الهبل فبقت نظره الناس للبنات والشباب الي في الشارع البنات قليله الادب والولاد مش رجاله وفعلا عندهم حق عيبنا ان احنا بنسمي الحجات بغير اسميها (يسمون الانحلال حريه والاحتيال ذكاء )